GrumbierKieschelle
Zutadde : 2 kg Grumbiere, 2 Eier, E bissie Mähl, 1 Ziewel, Peffer, Salz, 1 kläni Purett, gehackdda Pedderling
Zubereidung:
Grumbiere scheele, weesche unn fein reiwe. Gut ausdricke unn mit de Eier, de gerib Ziewel, peffer unn salz mische. Die Purett  unn de Pedderling fein gehackt dezu genn. Wenn de Däsch zu flissig iss, mit E bissie Mehl binne. Gudd Fett in de Ponn erhitze unn donn die Grumbierkischelle goldgäll uff beide Seidde ausbacke. Ma konn Abbeltratsch oder SuddelBohnesupp mitt GrumbierKischelle esse. Monche Berschlaid honn sogar die Grumbierkischelle zwische zwei scheiwe Brodd mit budda mi uff die Grub gehol fa's Briquet.

Geheiradde Kneedele
Zutadde : 4 Eier, 600 g Mähl, 1/8 l Wasser, Salz, Pfeffer, MuschkaddNuss, 750 g Grumbiere, 200 g Durrfläsch, 1 kleeni Ziewel, ¼ l Roohm
Zubereidung :
Die Grumbiere scheele, weesche unn in Stifdde schneide. In Salzwasser gudd garkoche. Midde Eier, em Mähl unn Wasser E zähflüssischer Däsch mache. Mit Salz unn MuschkaadNuss wiatze. De Däsch middeme Leffel in's kochende Wasser genn unn 5 Minudde ziehe loosse. Inzwische es Durrfläsch unn die Ziewel wiaffelle unn inner Ponn midemme bissie Budda auslosse. De Roohm dezugenn unn kurz ufkoche loosse. Pfeffer unn Muschkaadnuss dezugenn. Wenn die Soos zu dick iss, komma se mit E bissie Milich velängere. Zum Schluss die Mehlkneedele unn die Grumbiere zeusoome inna Schissel fille unn mit de Soos iwergiesse. Geheiradde Kneedele hon mir dehäm immer mit Salad Serviert grid. Unser Momme hat aa  midde GrumbierBrih noch E Supp gemach indem se E Bissie Milich unn in Budda gereeschedde Brodwiaffele dezu genn hat.