Grumbiersubb
Zutadde: 1kg. Grumbiere, 300 gr. Durrfläsch, 1 Ziewel, 1 Geelerib, 1 Purrett, 1 kleener celerie, 1 Lidder wasser, 100 ml. Roohm, gehackder Peterling, Salz, Peffer, Muschkaadnuss.
Zubereitung :
Das Durrfläsch wierfelleunn in E Ponn auslosse. Die geschädde Grummbiere, die gewiafeld Ziewel unn das gebutzde, geschälde un gewiafeldes Gemiss middem wasser in E dibbe geen unn wäschkorre. Alles grob mimm stomber püriere donn's, Durrfläsch, Salz, Peffer, unn de Petreling dezugeen. De Roohm wird als letchder dezugeen. Ma konn a Kochwirschdd oder lyoner mitkoche, donn schmeckt die Grumbiersubb noch besser.

Suddelbohnesubb
Zutadde :
100 gr.Durrfleisch, E dicki Ziwel (gewirfelt), E lidder Fleischbrih, 1kg. grinne Bohne, 300gr Grumbiere, 2 Geeleriwe, 1 Purrett, Muschkaadnuss, Peffer, Bohnekraut, Maggi, Salz, 100ml. Roohm, E bissie gehackder Pedderling.
Zubereidung :
Die grinne Bohne gudd weesche, abfädele und in ungefär 1cm grosse Schticker schneide. Die Purrett weesche, das Dunkelgrine abschneide unn de Rescht in 1/2cm breede Schtreife schneide. Die Geeleriwe unn die Grumbiere scheele unn in Wiafele schneide und mit den Bohnen, der gewiafelde Ziwel, der Purrett, das Durrfleisch un's Bohnekraut in E Dibbe geen. Die Fleischbrih dezugiesse unn gudd durschkoche. Die Bohnensupp donn mit Salz, Peffer, Muschkaadnuss unn E bissie Maggi wirze. Mit dem gehackde Pedderling bestreie unn de Roohm dezugiesse. Zu de Suddelbohnesupp schmeckt om beschde E guddes schdigg Kweetschkuche oder siesse PonneKuche.

Rinnfleischsubb
Zutadde :
1kg Rinnfläsch, 1 Scheener Marrichknoche, 2 Lidder Wasser, 1 Ziewel, Subbegrinn, Peterling, 2 Nächelcher, 2 Loieblätter, Peffer, Salz, Muschkaadnuss.
Zubereidung :
Das Rinndfläsch gudd abwesche unn mit dem Marrichknoche in kaltem Wasser Ufsetze unn ämol Ufkoche loosse. De Schaum abschebbe die Ziewel, das Subegrinn unn de Peterling dezugenn. Ungefär 1 Stunn bei kleener Hitzt ziehe losse. Jetz die Nächelcher unn die Loieblätter dezu genn. Wieder ungefähr 1 Stunn ziehe losse. Mit Peffer, Salz unn Muschkaadnuss gudd wierze. Omm end were noch Subbenuddele oder Reis dezugenn. Bei unns dehem is die Supp middem gemiis uff de Disch kumm. Ma konn aa die Brie durch E feines sieb passiere. Nohme Tella Subb werd donn s'Fläsch mim gemiss unn mayonnaise serviert. Rinnfläschsubb werd oft im Windda oder im herbschd wenn's drauss kald iss gekocht.
Noch Mee Retsepdde